काठमाडौं— संघीय निजामती सेवा विधेयकमा कुलिङ पिरियडको व्यवस्थामा भएको त्रुटिसम्बन्धी छानबिन गर्न गठित समितिले विधेयक निर्माण गर्दा गम्भीर त्रुटि भएको निष्कर्ष निकालेको छ । कांग्रेस सांसद जीवन परियार नेतृत्वको ७ सदस्यीय छानबिन समितिले सर्वसम्मत रूपमा प्रतिवेदन तयार पारेको हो ।
समितिले कुलिङ पिरियडसम्बन्धी त्रुटिका लागि सभापति रामहरि खतिवडालाई राजनीतिक र नैतिक रूपमा जिम्मेवार देखाएको छ।
त्यस्तै विधेयकको अन्तिम प्रतिवेदनमा हस्ताक्षर गरेका सभापति खतिवडा र समिति सचिव सुरजकुमार दुरा उत्तिकै जिम्मेवार हुने ठहर समितिले गरेको छ।समितिले विधेयकमा भएको त्रुटिका लागि समिति सचिव दुरासहित, मुख्य सचिव र अन्य सचिवहरूलाई कानुन बमोजिम गर्न सुझाव दिएको छ।
संघीय निजामती सेवा विधेयक प्रतिनिधि सभाबाट पारित हुँदा कुलिङ पिरियड निष्प्रभावी बनाइएको थियो । सोही विषयमा छानबिन गर्न संसदीय समिति गठन गरिएको थियो ।
प्रतिक्रिया