उत्साहित रास्वपा सांसद, नयाँ शैलीमा प्रस्तुत हुने, काम गरेरै अर्को इतिहास रच्ने अठोट, यस्तो प्रशिक्षण (भिडियोसहित)

काठमाडौं— राष्ट्रिय स्वतन्त्र पार्टी (रास्वपा) अबको केही दिनमै शक्तिशाली सरकार बनाउने तयारीमा छ । जहाँ प्रधानमन्त्री बन्ने तरखरमा रहेका वरिष्ठ नेता बालेन्द्र शाह आफू नेतृत्वको मन्त्रिपरिषद् गठनको आन्तरिक छलफलमा व्यस्त छन् भने नवनिर्वाचित सांसदहरू सदन प्रवेशको तयारीमा छन् । योसँगै प्रत्यक्ष र समानुपातिक गरी १८२ सिट सङ्ख्या पु¥याएको रास्वपाले आफ्ना नवनिर्वाचित सांसदहरूलाई प्रशिक्षण दिन थालेको छ । १८२ सांसदमध्ये अधिकांश नयाँ र युवा हुँदा संसदीय भूमिकाको प्रभावकारिता, सांसद पदको गरिमा, काम, कर्तव्य, अधिकार तथा पार्टीका नीति र उद्देश्यबारे प्रशिक्षण दिन थालिएको छ । जहाँ पार्टी सभापति रवि लामिछाने र वरिष्ठ नेता बालेन्द्र शाहको उपस्थितिमा मंगलबार प्रशिक्षण कार्यक्रम उद्घाटन हुने भनिए पनि स्वास्थ्य अवस्था र कार्य व्यस्तताको कारण देखाएर दुवै जना सहभागी भएनन् । जसका कारण पार्टी उपसभापतिद्वय स्वर्णिम वाग्ले र डिपी अर्यालले कार्यक्रमको उद्घाटन गरे ।