उपत्यकासहित देशभर वर्षा, विमानस्थलको उडान प्रभावित

काठमाडौं । उपत्यकासहित देशका विभिन्न स्थानमा हल्कादेखि मध्यम वर्षा भइरहेको छ ।

यो क्रम आजदिनैभरी जारी रहने मौसम पुर्वानुमान महाशाखाले जनाएको छ । भारतको पश्चिम बंगाल आसपास रहेको न्यूनचापीय प्रणालीको असर नेपालमा पनि परेकाले हल्कादेखि मध्यम वर्षा भइरहेको हो ।

भोलिदेखि भने मौसममा क्रमश सुधार हुने महाशाखाले जनाएको छ । यसैबीच, मौसमकाकारण हवाई उडान सामान्य प्रभावितभएको छ ।

भिजिबिलिटी कमजोर हुँदा काठमाडौँबाट देशका विभिन्न दुर्गम क्षेत्रका विमानस्थलको उडान प्रभावित बनेको हो। उडान प्रभावित हुँदा गन्तव्यमा हिँडेका उल्लेख्य सङ्ख्यामा पर्यटक अलपत्र परेका विमानस्थल कार्यालयले जनाएको छ ।