पछिल्लो २४ घण्टामा १ हजार ७५६ जनामा संक्रमण पुष्टि, २३ को मृत्यु

काठमाडौँ – पछिल्लो २४ घण्टामा देशभर १ हजार ७५६ जनामा कोरोनाभाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १४ हजार ३३४ पीसीआर परीक्षणमा थप १ हजार ७५६ जनामा संक्रमण पुष्टि भएको हो । योसँगै नेपालमा कोरोना संक्रमण हुनेको संख्या ७ लाख ६७ हजार २७१ पुगेको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा थप २ हजार २७४ जना संक्रमणमुक्त भएका छन् । नेपालमा कोरोना संक्रमणबाट थप २३ जनाको मृत्यु भएको छ । योसँगै नेपालमा कोरोनाबाट मृत्यु हुने‍को संख्या १० हजार ८०९ पुगेको छ ।