काठमाडौं— निर्वाचन सम्पन्न भएको दुई हप्ता बितिसक्दा पनि नयाँ सरकार गठनको कुनै सुरसार देखिएको छैन । निर्वाचन आयोगले समानुपातिक सांसदहरूलाई प्रमाणपत्र वितरण गरिसकेको छ भने राष्ट्रपति समक्ष निर्वाचनको अन्तिम परिणामसहितको प्रतिवेदन पनि बुझाइसकेको छ । संवैधानिक र कानुनी रूपमा यतिबेला बहुमत प्राप्त दलले सरकार गठन गरेर प्रधानमन्त्री र मन्त्रीहरूको शपथ ग्रहण गराइसक्नुपर्ने हो । तर, सरकार बनाउनु त परको कुरा, बहुमत प्राप्त दल राष्ट्रिय स्वतन्त्र पार्टी (रास्वपा) ले हालसम्म आफ्नो संसदीय दलको नेता समेत छान्न सकेको छैन । चुनावअघि बालेन साहलाई प्रधानमन्त्रीको उम्मेदवारका रूपमा प्रस्तुत गरिए पनि रास्वपाले उनलाई संसदीय दलको नेता बनाउने प्रक्रिया अघि बढाउन सकेको छैन । सरकार गठनका लागि सांसदको शपथ अनिवार्य नभए पनि रास्वपा भने शपथपछि मात्र सरकार बनाउने तयारीमा देखिएको छ ।
देश
प्रतिक्रिया