काठमाडौं— जेनजी आन्दोलनमा भएका घटनाको छानबिन गर्न बनेको पूर्वन्यायाधीश गौरीबहादुर कार्की नेतृत्वको जाँचबुझ आयोगले कति जनाको बयान लियो ?, बयानमा गएका कसले के के भने ?, बयान दिन अस्वीकार गर्नेलाई कसरी र कहिले बोलाउँछ ? जाँचबुझ आयोगमाथि अहिले यिनै प्र्रश्नहरु तेर्सिएका छन् । आयोगले छानबिन गरिरहेको अवस्थामा जेनजी आन्दोलनका पीडितका साथै आमसर्वसाधरणहरु आयोगको प्रतिवेदनको प्रतिक्षामा छन् । अहिले आन्दोलनका क्रममा राज्यबाट भएको दमन र विध्वंसका घटना छानबिन गरी दोषीलाई कारबाही सिफारिस गर्न गठित आयोगले धमाधम बयान लिइरहेको छ । प्रहरीका प्रमुख अधिकारीदेखि सरकारका उच्च पदस्थहरूसम्मको बयान लिइसकेर तत्कालीन प्रधानमन्त्री केपी शर्मा ओली र गृहमन्त्री रमेश लेखकको बयान लिने तयारीमा आयोग रहेको छ । १५० जनाभन्दा बढीको बयान लिइसकेको छ । गत असोज ९ गते गठित आयोगले पुस ९ गतेभित्र अनुसन्धानको सबै काम सकिसक्नुपर्नेछ । यही बीच सरकारले आयोगको कार्यक्षेत्र भने थप गरेको छ । सरकार र जेनजी प्रतिनिधिहरूबीच पाँचवटा कार्यदेश थप्ने गरी सहमति भएको हो ।
देश
प्रतिक्रिया