काठमाडौं— झण्डै १० महिना अघि नेकपा एमालेमा ५१ वर्ष राजनीति गरेका डा. भीम रावललाई अनुशासन उल्लङ्घन गरेको भन्दै पार्टीले साधारण सदस्य समेत नरहने गरी कारवाही ग¥यो । गत वर्ष पुसमा पार्टीको कारबाहीमा परेका रावलले त्यसपछि आफू एमाले र कम्युनिष्ट नेतासमेत नरहने उद्घोष गर्दै आफ्नै संयोजकत्वमा ‘मातृभूमि जागरण अभियान’ सञ्चालन गर्दै आएका थिए । तर, सोही अभियानमार्फत आफूलाई राष्ट्रवादी छविमा स्थापित गर्ने प्रयासमा रहेका रावल अब नवगठित नेपाली कम्युनिष्ट पार्टीको हिस्सा बन्न लागेका छन् । नेकपा (माओवादी केन्द्र) र नेकपा (एकीकृत समाजवादी) सहित १० वामपन्थी दल मिलेर बनेको ‘नेपाली कम्युनिष्ट पार्टी’मा रावल बुधबार औपचारिक रुपमा सामेल हुन लागेका हुन् । आठ महिनाअघिसम्म नेपालका कुनै पनि कम्युनिष्ट दल र तिनका नेताहरूलाई ‘वास्तविक कम्युनिष्ट’ नभएको दाबी गर्ने रावल, अहिले उनैले आलोचना गरेको ‘कम्युनिष्ट’कै बिल्ला भिरेर राजनीतिको मूलधारमा फर्कन खोज्दै छन् ।
देश
प्रतिक्रिया