काठमाडौं— एमालेको दोस्रो विधान महाधिवेशनले प्रधानमन्त्री तथा पार्टी अध्यक्ष केपी ओलीलाई तेस्रो पटक अध्यक्ष हुने वैधानिक बाटो खोलेको छ । ललितपुरको गोदावरीस्थित सनराइज सम्मेलन केन्द्रमा सम्पन्न विधान महाधिवेशनले अध्यक्ष ओलीको राजनीतिक प्रतिवेदन, उपाध्यक्ष विष्णु पौडेलको विधान संशोधन, महासचिव शंकर पोखरेलको सांगठनिक प्रतिवेदनसहित आयोगका प्रतिवेदन सर्वसम्मतले पारित गरेको हो ।
विधान महाधिवेशनले ७० वर्षको उमेरहद र दुई कार्यकालको सीमा हटाएको छ । उक्त निर्णयसँगै ओलीलाई फेरि अध्यक्ष हुने बाटो खुला भएको छ । पूर्वराष्ट्रपति विद्या भण्डारीको सदस्यता नवीकरणबारे भने महाधिवेशनमा कुनै निर्णय भएन ।
अध्यक्ष ओलीले भण्डारीको सदस्यताबारे केन्द्रीय कमिटीमा छलफल हुने आश्वासन दिएका छन् ।
प्रतिक्रिया