संसद बैठकमै च्याते सांसदले बजेट पुस्तिका,नेता र न्यायाधीशको कल डिटेल सार्वजनिक गर्न माग

काठमाडौं—नेकपा एकीकृत समाजवादीका सांसद अमरबहादुर थापाले आर्थिक वर्ष २०८२÷८३ को बजेट पुस्तिका संसद बैठकमै च्यातेका छन् ।
उनले अहिलेको बजेट उल्टो बाटोबाट हिँडेको भन्दै उनले संसद बैठकभित्रै बजेट पुस्तिका च्यातेका हुन् । खासगरी भौतिक पूर्वाधार मन्त्रालयको बजेटले दैलेखमात्र होइन धेरै तिरका जनतालाई सम्बोधन गर्न नसकेको बताए ।

स्वतन्त्र सांसद अमरेशकुमार सिंहले नेता र न्यायाधीशको कल डिटेल सार्वजनिक गर्न माग गरेका छन् । सांसद सिंहले कानूनमन्त्री अजयकुमार चौरसियालेले नै न्यायलाई प्रभावित पारेको आरोप लगाए ।

उनले कल डिटेल सार्वजनिक गर्न चुनौती दिँदै आफूले भनेको गलत भए सांसद पद त्याग्न तयार रहेको पनि बताए ।