रास्वपाको विरोधलाई धज्जी उडाउँदै कांग्रेस–एमाले, पलेँटी कस्न नदिने, सोवितालाई सूर्यको जवाफ (भिडियो सहित)

भिजिट भिसा प्रकरणमा संसदीय छानबिन समिति गठनको माग राखेर राष्ट्रिय स्वतन्त्र पार्टीले संसदमा अवरोध कायम राख्दा सत्तारुढ दल पेलेरै अघि बढेको छ । सोमबारको बैठकमा पनि रास्वपाका सांसदहरूले सुरुमा वेल घेराउ र नाराबाजी गरे भने पछि भुइँमा पलेँटी कसेर बसे । राप्रपाका सांसदले बैठक बहिष्कार गरेर बाहिरिँदा रास्वपा सांसद सुमना श्रेष्ठ भने योग आसनमा झैँ वेलमा बसिरहेकी थिइन् । आँखा चिम्लेर ध्यान गरेजस्तो गरी उनले संसद्मा विरोध जनाइरहँदा प्रतिपक्षी दलको विरोधका बीच सभा सञ्चालन गरिएको भन्दै कतिपयले प्रश्न समेत उठाए । तर, सभामुखले त्यस्तो आग्रह सुनेनन् ।