काठमाडौं । काठमाडौँ उपत्यकामा आज पनि वायु प्रदूषण उच्च छ।
‘एयर क्वालिटी इन्डेक्स’को मापनअनुसार काठमाडौँ उपत्यका वायु प्रदूषणमा विश्वमै दोस्रो स्थानमा रहेको छ। वायु प्रदूषणमा भारतको राजधानी नयाँ दिल्ली विश्वकै पहिलो स्थानमा छ भने काठमाडौं दोस्रो र पाकिस्थानको लाहोर तेस्रो स्थानमा छ।इन्डेक्सका अनुसार आज बिहान काठमाडौँको समग्र वायु गुणस्तर सूचकांक एक्यूआई २०४ छ।
प्रदूषणमा पहिलो स्थानमा रहेको दिल्लीको एक्यूआई अहिले २४९ छ।शुक्रबार र शनिबार काठमाडौँ उपत्यकामा हावा चलेकाले प्रदूषण केही घटे पनि खतरा टरेको छैन।चिकित्कसहरुले काठमाडौँको वायु मानव स्वास्थ्यको लागि हानिकारक तहमा पुगेको भन्दै सजगता अपनाउन आग्रह गरेका छन् ।
यसैबीच, देशमा आउँदो मंगलबारदेखि पानी पार्ने न्यूनचापीय प्रणालीको प्रभाव रहने मौसम पूर्वानुमान महाशाखाले जनाएको छ । पश्चिमी वायु र न्यूनचापीय प्रणालीको प्रभावले वर्षा हुन सक्ने महाशाखाले जनाएको छ ।भारतमा रहेको न्यूनचापीय प्रणालीको प्रभाव मंगलबारदेखि नेपालमा पनि देखिने महाशाखाका मौसमविद्को भनाई छ ।
प्रतिक्रिया