रौतहटमा हावाहुरी र असिनापानीले अन्नबालीमा क्षति

रौतहटको विभिन्न ठाउँमा आज बिहान परेको हावाहुरी र असिनापानीले अन्नबालीमा क्षति पुगेको छ ।

हावाहुरीसहितको असिनापानीले किसानका मकै, गहुँ, ढलेका छन् भने पाकिसकेको गहुँमा बढी क्षति पुगेको छ । क्षतिको विवरण र क्षतिपूर्तिका लागि किसानले सरकारसँग माग राखेका छन् ।

अहिलेसम्म कुन पालिकामा कति क्षति भयो भन्ने विवरण आइनसकेको जिल्ला प्रहरी कार्यालयले जनाएको छ । कृषि ज्ञान केन्द्र गौरले पनि क्षतिको विवरण संकलन गर्ने काम भइरहेको जानकारी दिएको छ ।।