Sayapatri Media Pvt. Ltd.
Reg. No. : 885/075-76
Publisher: Ang Kaji Sherpa
Editor: Laxmi Raj Bhandari
Office: Chabahil - 7, KL Tower 5th floor
Phone: 01-4587728
CMO (Anjan shrestha): 9843335555
Admin: Info@yohokhabar.com
News: yohokhabar.com@gmail.com

खेलकुद

खस्किएको नेपाली फुटबलमा उत्साही खेलाडी, नयाँ कोचले भने–साफ जिताउँछु (भिडियो)


काठमाडौं—अखिल नेपाल फुटबल संघ (एन्फा)ले नेपाली राष्ट्रिय पुरुष फुटबल टिमको मुख्य प्रशिक्षकमा अस्ट्रेलियाका म्याट रोसलाई नियुक्त गरेको छ । एन्फाका अनुसार उनीसँग एक वर्षको सम्झौता भएको छ । हेड कोच बन्ने निश्चित भएसँगै म्याट गत माघ दोस्रो साता नै नेपाल आइपुगेका थिए । उनी यूईएफए प्रो लाइसेन्स प्राप्त प्रशिक्षक पनि हुन् ।

४७ वर्षीय म्याट रोसले महिला टिमबाट प्रशिक्षण यात्रा सुरुवात गरेका थिए । उनले महिला टिमको प्रशिक्षकको जिम्मेवारी कोरियाबाट सुरुवात गरेका हुन् । म्याटले सन् २०२० मा दक्षिण कोरियाको महिला राष्ट्रिय टिमको सहायक प्रशिक्षक बनेर काम गरेका थिए ।

उनी सहायक प्रशिक्षक रहँदा दक्षिण कोरिया सन् २०२२ मा एएफसी एसियन कपको फाइनलमा पुगेको थियो । कोरियन टिमको प्रशिक्षण सम्हाल्नुअघि म्याट चीनको यू–१५ महिला टोलीको प्रमुख प्रशिक्षक बने । त्योभन्दा अघि उनले जर्मन बुन्डेस लिगा क्लबको महिला टोलीमा भिडिओ एनालिस्टको काम गरे ।

उनले दुई वर्ष प्रशिक्षकको भूमिका पनि निर्वाह गरेका थिए । पछिल्लो समय म्याट यूएईको युनाइटेड एफसीको सहायक प्रशिक्षक थिए ।