आज पनि सुनको मूल्य बढ्यो, कति पुग्यो त ?

काठमडौं । आज सुनचाँदीकै मूल्य बढेर छ । सुनप्रतितोला एक हजार ६ सय रुपैयाँ बढेर आज प्रतितोला एकलाख ५५ हजार सातसय रुपैयाँ पुगेको नेपाल सुनचाँदी व्यवसायी महासंघले जनाएको छ।

गएको बिहीबार र शुक्रबार पनि सुन तोलामा आठ÷आठ सय रुपैयाँ बढेको थियो। गएको बुधबार सुनको मूल्य तोलामा पाँचसय रुपैयाँ बढेको थियो। गएको शुक्रबार सुन तोलाको एक लाख ५४ हजार एक सय रुपैयाँमा कारोबार भएको थियो।

आज चाँदीको मूल्य पनि प्रतितोला १५ रुपैयाँ बढेर एक हजार आठसय ६० रुपैयाँ पुगेको छ।