काठमाडौं । नेपाल प्रिमियर लिगमा आज पनि दुई खेल हुँदैछन् ।
त्रिवि मैदान कीर्तिपुरमा अहिले जनकपुर बोल्ट्स र लुम्बिनी लायन्सबीच प्रतिष्पर्धा सुरु भएको छ । जनपुर बोल्ट्स यसअघिका तीनै खेलमा विजयी भएको छ भने लुम्बिनी तीनै खेलमा पराजित भएको थियो।
जनपुरले पहिलो खेलमा विराटनगरलाई ८ विकेटले, दोस्रो खेलमा कर्णालीलाई पनि ८ विकेटले र तेस्रो खेलमा पोखरालाई ७ विकेटले पराजित गरेको थियो।
लुम्बिनी पहिलो खेलमा विराटनगरसँग २ विकेटले, दोस्रो खेलमा पोखरासँग १० विकेटले र तेस्रो खेल सुदूरपश्चिमसँग ४५ रनले पराजित भएको थियो।लुम्बिनी लिगमा पहिलो जितको खोजीमा रहेको छ।आजैदिउँसो सवा १ बजे हुने दोस्रो खेलमा सुदूरपश्चिम रोयल्स र चितवन राइनोज् भिड्नेछन्।सुदूरपश्चिम अघिल्ला तीनै खेल जितेर अंक तालिकाको शीर्षस्थानमा छ।
सुदुरपश्चिमले पहिलो खेल विराटनगरलाई ९० रनले, दोस्रोमा कर्णालीलाई ७३ रनले र तेस्रो खेलमा लुम्बिनीलाई ४५ रनले पराजित गरेको थियो।
चितवन राइनोजले तीन खेल खेलेकोमा १ खेल मात्रै हारेको छ।चितवनले पहिलो खेलमा काठमाडौंलाई ५ विकेटले र दोस्रो खेलमा पोखरालाई ८७ रनले पराजित गरेको थियो भने तेस्रो खेलमा कर्णालीसँग ६ विकेटले पराजित भएको थियो।
प्रतिक्रिया