सभापति लामिछानेको बयान आज दोस्रो दिन पनि जारी

काठमाडौँको स्वर्णलक्ष्मी सहकारी ठगीको पनि आरोप लागेका राष्ट्रिय स्वतन्त्र पार्टी (रास्वपा) का सभापति रवि लामिछानेसँग आज दोस्रो दिन पनि बयान लिने क्रम जारी छ ।

बयानका लागि पोखराबाट शुक्रबार काठमाडौँ ल्याइएका पूर्वगृहमन्त्रीसमेत रहेका लामिछानेसँग त्यस दिन ६ घण्टा बयान लिएर हिरासत जिल्ला प्रहरी परिसर काठमाडौँ फर्काइएको थियो। उनको बयान सकिएपछि काठमाडौँबाट पुनः पोखरा नै फर्काइने छ ।

पोखराको सूर्यदर्शन सहकारी ठगी आरोपमा उनी कात्तिक २ गते काठमाडौँबाट पक्राउ परेकाहुन् ।