बागलुङमा पिकअप भ्यान दुर्घटना हुँदा ५ जनाको मृत्यु

काठमाडौँ – बागलुङको जैमिनी नगरपालिका(७, जैदीको व्यार्थलानजिकै ‘पिकअप भ्यान’ दुर्घटना हुँदा पाँचजनाको मृत्यु भएको छ।

जैमिनी नगरपालिका-८, छिस्तीबाट जिल्ला सदरमुकाम बागलुङ बजार आउँदै गरेको ग २ च ९२४७ नम्बरको भ्यान सोमबार बिहान दुर्घटना हुँदा चालकसहित पाँचजनाको मृत्यु भएको हो।

मृतकहरूको पहिचान खुलिनसकेको जिल्ला प्रहरी कार्यालयका प्रहरी निरीक्षक एवं सूचना अधिकारी केशव थापाले बताए।