तिहार हिजै सकियो, तर आज पनि तिहारको बिदा

काठमाडौँ – सरकारले आज पनि तिहारको बिदा दिएको छ। भाइटीका लगाएपछि तिहार सकिएको मानिन्छ।

हिजो भाइटीका लगाएपछि यस वर्षको तिहार सकिएको छ। तर, तिहार सकिए पनि आज सरकारी बिदा छ।

सरकारी पात्रोमै यस वर्ष आज पनि तिहार बिदा उल्लेख छ। गत माघ २९ गते प्रकाशित राजपत्रमा कात्तिक १५ देखि १९ गतेसम्म तिहार बिदा उल्लेख छ। १५ गते लक्ष्मीपूजा, १७ गते गोवर्धनपूजा र नेपाल संवत् तथा १८ गते भाइटीका (किजापूजा ) को बिदा छ।

तर कात्तिक १६ र १९ गते दिइएको बिदाको विवरण भने राजपत्रमा उल्लेख छैन।