क्रिप्टो र अनलाइन जुवा खेलेको आरोपमा जावलाखेलबाट ५० जना पक्राउ

काठमाडौँ – क्रिप्टोकरेन्सी कारोबार र अनलाइन जुवा खेल्ने र खेलाउने ५० जनलाई सीआईबीले ललितपुरबाट पक्राउ गरेको छ।

गएराति छापा मारेर सीआईबीले जावलाखेलबाट २ चिनियाँ, १ फिलिपिनो र ४७ जना नेपालीलाई पक्राउ गरेको हो।

कलसेन्टरमा क्रिप्टोकरेन्सी कारोबार गरेको र अनलाइन जुवा खेलाएको आरोपमा उनीहरुलाई पक्राउ गरिएको सीआईबीका प्रवक्ता होविन्द्र बोगटीले जानकारी दिए।

पक्राउ परेकाहरुमाथि थप अनुसन्धान भइरहेको प्रहरीले जनाएको छ।