जाजरकोटको नलगाडमा पहिरोले घर पुरिँदा तीन जनाको मृत्यु

काठमाडौँ – जाजरकोटको नलगाड नगरपालिका वडा नम्बर–२ माझगाउँमा पहिरोले घर पुरिँदा तीन जनाको मृत्यु भएको छ ।

गएरातिको पहिरोले घर पुरिँदा एकै परिवारका तीन जनाको मृत्यु भएको प्रहरीले जनाएको छ । पहिरोमा परी ४२ वर्षीय लालबहादुर परियार, उनकी श्रीमती ३४ वर्षीया मनीषा परियार र २ वर्षका छोराको मृत्यु भएको छ । अडाध्यक्ष पूर्णबहादुर खत्रीका अनुसार भूकम्पले घर भत्किएपछि लालबहादुर परियारको परिवार अस्थायी टहरामा बस्दै आएको थियो ।

ठाउँठाउँमा पहिरो गएकाले विद्युत् र सडकसमेत अवरुद्ध भएको वडाध्यक्ष खत्रीले बताउनुभयो ।