सुनको मूल्यमा नयाँ रेकर्ड, कतिमा भयो कारोबार ?

काठमाडौं । नेपाली बजारमा आज सुनको मूल्यमा नयाँ रेकर्ड बनेको छ ।

यसअघि साउन २ गते भाउ प्रतितोला १ लाख ४९ हजार ८ सय रुपैयाँको उच्च रेकर्ड रहेकोमा सो रेकर्ड आज तोडिएको हो ।

आज सुनको भाउ प्रतितोला १ लाख ४९ हजार ९ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।

हिजोको तुलनामा आज सुनको भाउ ५ सय रुपैयाँ बढेको हो । यस्तै चाँदीको भाउ प्रतितोला १७९५ रुपैयाँ कायम भएको छ । अघिल्लो दिनको तुलनामा चाँदी ५ रुपैयाँ घटेको हो ।