काठमाडौँ – सोलुखुम्बु जिल्लाको लिखुपिके गाउँपालिका-१ मा तितेपाती, मह, दूध, स्याउ, सुन्तला, लालीगुराँस प्रयोग गरेर अर्गानिक नुहाउने तथा मुख धुने साबुन उत्पादन थालिएको छ ।
परम्परादेखि स्थानीयले तितेपातीलाई जडिबुटीको रूपमा प्रयोग गर्ने गरे पनि अहिले भने तितेपातीलाई प्रशोधन गरेर साबुन उत्पादन सुरू गरिएको हो ।
![](https://i0.wp.com/yohokhabar.com/wp-content/uploads/2024/03/428486098_10227071046694568_8950998148783805135_n-768x433.jpg?resize=720%2C406&ssl=1)
उद्यम विकास शाखा लिखुपिकेको आयोजनमा गरिबी निवारणको लागि लघु उद्यम विकास कार्यक्रम मेड्पाको आर्थिक लगानीमा स्थानीय स्तरको कच्चा पदार्थबाट साबुन उत्पादन सम्बन्धि तालिम दिएको हो । तालिमसँगै गाउँमै साबुन उत्पादन गर्न थालिएको स्थानीय आङ देण्डी शेर्पाले योहो खबरलाई जानकारी दिनुभयो ।
![](https://i0.wp.com/yohokhabar.com/wp-content/uploads/2024/03/428486426_10227071043414486_2439259342481696587_n-768x433.jpg?resize=720%2C406&ssl=1)
परम्परादेखि स्थानीयले तितोपातीलाई जडिबुटीका रूपमा प्रयोग गर्दै आए पनि साबुन बनाउन सकिन्छ भन्ने कुरा तालिमपछि मात्रै थाहा भएको शेर्पाले बताउनुभयो ।
गाउँमै पाइने तितेपाती र अन्य कच्चापदार्थबाट साबुन उत्पादन गर्न सकेमा रोजगारी सिर्जना हुने र आयआर्जन पनि सहज रूपमा गर्न सकिने भएकाले साबुन उद्योगका लागि सम्बन्धित निकायले ध्यान दिन जरूरी रहेको शेर्पाले बताउनुभयो ।
![](https://i0.wp.com/yohokhabar.com/wp-content/uploads/2024/03/429658248_347503091608772_2974481437185264433_n-768x576.jpg?resize=720%2C540&ssl=1)
गाउँपालिका अध्यक्ष मिना कार्की बस्नेतले गाउँपालिका क्षेत्र पाइने कच्चापदार्थ प्रयोग गरेर साबुन उत्पादन गर्न सकिने प्रचुर सम्भावना रहेको र त्यसको लागि अहिले उत्पादन भएका साबुनको गुणस्तर जाँच भइरहेको बताउनुभयो ।
![](https://i0.wp.com/yohokhabar.com/wp-content/uploads/2024/03/429779749_347502781608803_6846761586890661273_n-768x576.jpg?resize=720%2C540&ssl=1)
गुणस्तर जाँचपछि गाउँपालिकाले साबुन उत्पादनलाई व्यवसायिक रूपमै अगाडि बढाउने लक्ष्य रहेको उहाँले बताउनुभयो ।
![](https://i0.wp.com/yohokhabar.com/wp-content/uploads/2024/03/428513561_10227071044694518_8050672059113311466_n-768x433.jpg?resize=720%2C406&ssl=1)
गाउँमै व्यवसायिक रूपमा साबुन उत्पादन गरेर जिल्लामा साबुन आयातलाई निरूत्साहित गर्ने र गाउँमै रोजगारी सिर्जना गर्ने लक्ष्य रहेको वडाअध्यक्ष मिङमार गेल्जे शेर्पा बताउनु भयो ।
![](https://i0.wp.com/yohokhabar.com/wp-content/uploads/2024/03/mm-768x433.jpg?resize=720%2C406&ssl=1)
गाउँमै व्यवसायिक रूपमा साबुन उत्पादन गरेर जिल्लामा साबुन आयातलाई निरूत्साहित गर्ने लक्ष्य रहेको शेर्पा बताउनु भयो ।
![](https://i2.wp.com/yohokhabar.com/wp-content/uploads/2024/03/425432449_10227065211388689_8107342179701643319_n-1-768x433.jpg?ssl=1)
![](https://i1.wp.com/yohokhabar.com/wp-content/uploads/2024/03/428500758_10227065210148658_6802652559945845790_n-1-768x433.jpg?ssl=1)
![](https://i1.wp.com/yohokhabar.com/wp-content/uploads/2024/03/430022402_347503408275407_5338331498395944080_n-768x576.jpg?ssl=1)
![](https://i2.wp.com/yohokhabar.com/wp-content/uploads/2024/03/429658248_347503091608772_2974481437185264433_n-1-768x576.jpg?ssl=1)
![](https://i0.wp.com/yohokhabar.com/wp-content/uploads/2024/03/428496016_10227071046254557_7417865048588921213_n-768x433.jpg?ssl=1)
प्रतिक्रिया