भारतीय क्रिकेट टिमका विराट कोहलीले बनाए टी–२० विश्व कपमा कीर्तिमान

काठमाडौँ — भारतीय क्रिकेट टिमका पूर्वकप्तान विराट कोहलीले टी–२० विश्व कपमा कीर्तिमान बनाएका छन् । अस्ट्रेलियामा भइरहेको टी–२० विश्व कपमा बङ्गलादेशसँगको खेलमा कोहलीले कीर्तिमान बनाएका हुन् । विराट कोहली अब टी–२० विश्व कपमा सबैभन्दा धेरै रन बनाउने खेलाडी बनेका छन् । कोहलीले श्रीलङ्काका पूर्वकप्तान महेला जयवर्धनेलाई पछाडि छोडेका हुन् । जयवर्धनेले टी–२० विश्व कपमा ३१ खेल खेल्दै एक हजार १६ रन बनाएका थिए ।

कोहलीले उनलाई पछाडि पारेका हुन् । कोहलीले यो उपलब्धि मात्र २५ खेलमा हासिल गरेका हुन् । टी–२० विश्व कपमा धेरै रन बनाउनेमा भारतका कप्तान रोहित शर्मा चौथो स्थानमा छन् । धेरै रन बनाउनेको शीर्ष पाँचमा कोहली र जयवर्धनेसँगै क्रिस गेल, रोहित शर्मा र तिलकरत्न दिलशान छन् ।