नेप्से परिसूचक १०.२७ अंकले वृद्धि

काठमाडौँ — साताको पहिलो कारोबार दिन आईतवार नेप्से परिसूचक १० अंकले बढेको छ । आईतवार नेप्से सूचक १०।२७ अंकले बढेर २१२३।८३ बिन्दुमा पुगेको हो । आईतवार कारोबार आएका २१९ कम्पनीको ६१ लाख ६ हजार ५२१ कित्ता शेयर २ अर्ब ६७ करोड ३३ लाख ३८ हजार २३२ रुपैयाँ बराबरको कारोबार भएको छ । नेप्सेका १३ उपसमूहमध्ये लाइफ इन्स्योरेन्स उपसमूह बाहेक १२ वटा उपसमूहको सूचक सकारात्मक देखिएको छ । जसमा जीवनबीमा उपसमूहको शेयर मूल्य ०.५ प्रतिशतले घटेको छ । होटल उपसमूहको सूचक सबैभन्दा धेरै २।१६ प्रतिशतले बढेको छ ।

नेप्से परिसूचक बढेसँगै मनकामना स्मार्ट लघुवित्तको शेयरमूल्य सकारात्मक सर्किट लेभलमा कारोबार भएको छ । त्यस्तै,तेह्रथुम पावरको ९।६५ प्रतिशत, उपकार लघुवित्तको ९.१३ प्रतिशत, गुह्वेश्वरी फाइनान्सको ८.५७ प्रतिशत र साहस उर्जाको शेयरमूल्य ६।११ प्रतिशतले बढेको छ । तर यता नयाँ सारथी लघुवित्तको शेयरमूल्य सबैभन्दा धेरै ३।४८ प्रतिशतले घटेको छ भने ग्रामिण विकास लघुवित्तको ३।३८ प्रतिशतले घटेको छ । आईतवार शिवम सिमेन्टको १३ करोड ८९ लाख रुपैयाँको शेयर कारोबार भएको छ भने नबिल बैंकको १२ करोड ७२ लाख रुपैयाँ बराबरको शेयर कारोबार भएको छ ।