काठमाडौँ — सोलुखुम्बुको एक मात्र नगरपालिका सोलुदुधकुण्डमा नेकपा एमालेबाट मेयर पदका उम्मेदवार आङकाजी शेर्पाको लोकप्रियता दिन प्रतिदिन बढ्दै गएको छ । अघिल्लो स्थानीय तहको निर्वाचनमा नेपाली काँग्रेससँग झिनो मतान्तरले पराजित भएको नेकपा एमाले यस पटक भने स्थानीयमाझ लोकप्रिय उम्मेदवार आङकाजी शेर्पा भएकाले जित निश्चित रहेको नेताहरू बताउँछन् ।
चुनावी घरदैलो अभियानको क्रममा शेर्पाप्रति सोलुदुधकुण्डबासीले अपार माया दर्शाइरहेका छन् । शेर्पाको सामाजिक र व्यवसायिक क्षेत्रमा कमाएको सफलतालाई नगरबासीले आशाको रुपमा हेरेका छन् । शेर्पाले जित्दा नगरपालिकाको समग्र विकास हुने सोलुदुधकुण्डबासीको बुझाइ छ ।
एमालेबाट उम्मेदवार बनेपनि विजयी भएपछि पार्टीभन्दा माथि उठेर नगरपालिका र जनताको सेवामा लाग्ने शर्पाले प्रतिवद्धता जनाउनुभएको छ । ‘मेरा लागि सोलुदुधकुण्डबासी सबै समान हुनुुहुन्छ । सबैलाई समान व्यवहार गरेर नगरपालिकाको विकास गर्नेछु । जनतालाई सहज रुपमा सेवा प्रवाह गर्ने छु ।’
नगरपालिकाको ११ वटै वडामा शेर्पाको पक्षमा माहोल बनेको छ । आशाको किरणका रुपमा आङकाजी शेर्पालाई देखेको नगरबासीहरू बताउँछन् ।
आङकाजी शेर्पा सामाजिक कार्यमा पनि अग्रपंक्तिमा रहँदै आउनुभएको छ । उहाँ बौद्धमार्गीहरूको सामुदायिक संगठन शेर्पा सेवा केन्द्रका वर्तमान महासचिव पनि हुनुहुन्छ । उहाँ पर्यटन र निर्माण व्यवसायीको रुपमा समेत परिचित हुनुहुन्छ ।
ओखलढुंगा–सोलु सडक कालोपत्रे शेर्पाले नै गर्नुभएको हो । उहाँ नेपालकै पाँचौ एचडी टीभी च्यानल योहो टेलिभिजनका अध्यक्षसमेत हुनुहुन्छ । शेर्पा गाउँमै कृषि उपार्जन र उद्योग सञ्चालन गरी विकास गर्नुपर्छ भन्ने मान्यता राख्नुहुन्छ । उहाँले सोलुदुधकुण्ड नगरपालिका केरुङमा ७ सय रोपनी भन्दा बढी जमिनमा ओखर, किबी र स्याउ खेतीका साथै बाख्रा, भैँसी र कुखुरापालनमा करोडौँ रुपैयाँ लगानी गरेर थुप्रै नगरबासीलाई रोजगारी दिनुभएको छ ।
उहाँले सोलुदुधकुण्डमै मिनरल वाटर उद्योग र इट्टा उद्योग सञ्चालनको तयारीसमेत गर्नुभएको छ । मेयरमा निर्वाचित भए गाउँका हरेक युवाहरूलाई गाउँमै रोजगारी र स्वरोजगारीको व्यवस्था गर्ने शेर्पाको प्रतिवद्धता रहेको छ ।
सोलु नगरको मेयरका उम्मेद्वार को हुन् काजी शेर्पा ?
पाँच वर्षमा सोलु नगरको विकासमा व्यापक विभेद भयो : आङकाजी शेर्पा
आङकाजी शेर्पाको पक्षमा सोलुमा उर्लियो माहोल, यस्तो छ चुनाव जित्ने आधार
गुटैगुटले फोहोरको डंगुर बनेको काँग्रेसको काम छैन, सोलुका सबै स्थानीय तह अब एमालेले जित्छ
प्रतिक्रिया