घर बनाउन पूजा गर्नेक्रममा पहिरो झर्दा पुजारीको मृत्यु

काठमाडौँ — पाँचथर फिदिममा घर बनाउन शुभसाइतको पूजा गर्नेक्रममा पहिरो झर्दा पुरीएर एक जनाको मृत्यु भएको छ । पहिरोमा परेर फिदिम नगरपालिका १ बुद्ध चोकका अन्दाजी ६५ वर्षका गोपाल ढुंगानाको मृत्यु भएको जिल्ला प्रहरी कार्यालय पाँचथरले जनाएको छ ।

सोमबार बिहान ८ बजेतिर स्थानीय मदन पन्धाकको घडेरीमा घर बनाउन पूजा गर्नेक्रममा ढुंगानको पहिरोले पुरिएर मृत्यु भएको हो । शवलाई पोष्टमार्टका लागि जिल्ला अस्पताल पाँचथर लगिएको छ ।