कलाकारको निधनपछि श्रद्धाञ्जली सभाका लागि स्थानको व्यवस्था गर्ने

काठमाडौँ – संस्कृति, पर्यटन तथा नागरिक उड्डयन मन्त्री प्रेमबहादुर आलेले राष्ट्रिय कलाकारहरुको निधनपछि श्रद्धाञ्जली सभाको लागि मन्त्रालयले स्थान व्यवस्थापन गर्ने बताउनु भएको छ ।

आज वरिष्ठ लोकगायक तथा अभिनेता जयनन्द लामाको श्रद्धाञ्जली सभामा श्रद्धाञ्जली अर्पण गर्दै मन्त्री आलेले आगामी दिनमा राष्ट्रिय कलाकारहरुको निधनपछि श्रद्धाञ्जली अर्पण गर्नको निमित्त मन्त्रालयले छलफल गरेर स्थानको व्यवस्थापन गर्ने बताउनु भएको हो ।

मन्त्री आलेले गायक तथा अभिनेता लामाप्रति श्रद्धाञ्जली अर्पण गर्दै शोक सन्तप्त परिवाजनप्रति समवेदनासमेत प्रकट गर्नुभयो । गायक लामाको फागुन ११ गते बुधवार बिहान आफ्नो निवास भक्तपुरमा कारबाट लडेर निधन भएको थियो ।