वागमती प्रदेशद्वारा सरकारको न्युनतम साझा कार्यक्रम सार्वजनिक

काठमाडौँ – वागमती प्रदेशले सरकारको न्युनतम साझा कार्यक्रम सार्वजनिक गरेको छ । वागमती प्रदेश सरकार सञ्चालन समन्वय कार्यदलले आज मुख्यमन्त्री राजेन्द्र पाण्डेलाई प्रदेश सरकारको न्युनतम साझा कार्यक्रम बुझाएको हो ।

कार्यदलले बुझाएको न्युनतम साझा कार्यक्रममा प्रदेश सरकारको मुख्य प्राथमिकता कोभिड–१९ को महामारीबाट प्रदेशबासी नागरिकको जीवन रक्षा गर्नु रहेको उल्लेख गरिएको छ ।

त्यस्तै संघीयताको कार्यान्वयनका लागि प्रदेश सरकारका माध्यमबाट सशक्त पहल गर्ने, संविधानले तोकेको क्षेत्रात्रिकार बमोजिम प्रदेशको अधिकार उपयोग गर्ने र स्थानीय तहको हस्तान्तरण गर्ने विषय पनि न्युनतम साझा कार्यक्रममा समेटिएको छ ।