सुनको भाउमा आज पनि गिरावट

काठमाडौँ – नेपाली बजारमा आज पनि सुनको मूल्य घटेको छ । मंगलबारको तुलनामा आज तोलमा पाँच सयले गिरावट आएको हो ।
नेपाल सुन चाँदी व्यवसायी महासंघका अनुसार हिजो ९२ हजार तीन सयमा कारोबार भएको सुन आज तोलामा ९१ हजार ८ सय रुपैयाँ तोकिएको छ । यस्तै, आज चाँदीको भाउ पनि घटेको छ । हिजो तोलामा १२ सय ५५ रुपैयाँ रहेको चाँदी आज १२ सय २५ रुपैयाँमा कारोबार भइको छ ।

हिजो पनि सुनको भाउ तोलामा १६ सय रुपैयाँले घटेको थियो । सुनको मूल्य घट्नु र बढ्नुको खास कारण केही नभए पनि अमेरिकाको केन्द्रीय बैंकको अध्यक्षमा जेरोम पावेल दोहोरिने भए पछि त्यसको प्रभाव सुनमा परेको हुन सक्ने महासंघको अनुमान छ । संकटमा परेको अर्थतन्त्र उकास्न पावेले लिएको रणनीतिको असर सुनमा परेको हुन सक्ने महासंघले जनाएको छ । नेपालमा हरेक दिन बिहान १० बजेको अन्तर्राष्ट्रिय मूल्यअनुसार सुनचाँदीको मूल्य निर्धारण हुने गरेको छ ।