सुनको मूल्यमा सामान्य गिरावट

काठमाडौँ — सुनको मूल्यमा सामान्य गिरावट आएको छ । बिहिबारको तुलनामा आज छापावाला सुन प्रति तोला एक सय रुपैयाँ घटेको हो ।

बिहीबार छापावाला सुन प्रतितोला ९४ हजार ५ सय रुपैयाँ रहेकोमा आज ९४ हजार ४ सय रुपैयाँ कायम भएको सुनचाँदी व्यवसायी महासंघले जानकारी दिएको हो ।

त्यस्तै तेजावी सुनको मूल्य आज ९३ हजार नौ सय रुपैयाँ प्रति तोला कायम भएको छ । चाँदीको मूल्य पनि घटेको छ। बिहिबार १२८० रुपैयाँ प्रतितोलामा कारोबार भएकोमा आज १२७५ रुपैयाँ कायम भएको हो ।