इङ्ल्याण्ड विश्वकप छनोट नजिक, अल्बानिया ५–० ले पराजित

काठमाडौँ – ह्यारी केनको ह्याट्रिकको सहयोगमा इङ्ल्याण्ड विश्वकप छनोटको नजिक पुगेको छ । गएराति भएको विश्वकपको युरोपेली छनोटमा इङ्ल्याण्डले अल्बानियालाई ५–० गोल अन्तरले हराएको छ ।

इङ्ल्याण्डको जितमा ह्यारी केनले ह्याट्रिक गरे । मागुइरी र हेन्डरसनले एक–एक गोल थपे । विश्वकपमा छनोट हुन इङ्ल्याण्डलाई अन्तिम चरणको खेलमा मात्र राम्रो गोल अन्तर चाहिएको छ । खेलको पहिलो हाफमै इङ्ल्याण्डले पाँच गोलको अग्रता लिएको थियो । समूह आइको शीर्ष टिम इङ्ल्याण्डको २३ अंक रहेको छ । दोस्रो स्थानको पोल्याण्डको २० अंक रहेको छ । इङ्ल्याण्डलाई विश्वकपमा छनोट हुन गोल अन्तरनै काफी हुने छ ।