ललितपुर र धनगढी महिला लिगमा छनोट

काठमाडौँ – ललितपुर महानगरपालिका र धनगढी उपमहानगरपालिकाले राष्ट्रिय महिला लिग छनोट प्रतियोगिताको फाइनलमा स्थान बनाए सँगै राष्ट्रिय लिगमा स्थान पक्का गरेका छन् । ललितपुर स्थित अखिल नेपाल फुटबल संघ (एन्फा) मुख्यालयको मैदानमा आज सम्पन्न सेमिफाइनल खेलमा सुखद नतिजा निकाल्दै ललितपुर र धनगढीले राष्ट्रिय लिगमा स्थान पक्का गरेका हुन ।

आज दिउसो भएको दिनको पहिलो सेमिफाइनल खेलमा ललितपुरले कन्काई नगरपालिका झापालाई १–० ले पराजित फाइनलमा स्थान बनाउँदा राष्ट्रिय लिगका लागि योग्य भएको हो ।

त्यस्तै आजै सम्पन्न दिनको दोस्रो तथा अन्तिम सेमिफाइनल खेलमा गौरिगंगा नगरपालिकालाई ४–० ले हराउँदै फाइनलमा स्थान बनाउँदै धनगढी पनि राष्ट्रिय लिगका लागि छनोट भएको छ । ३१ टोलीको सहभागिता रहेको प्रतियोगिताको फाइनल खेल आइतबार हुने छ ।