काठमाडौँ – आईसीसी टी–ट्वान्टी विश्वकप क्रिकेटको दोस्रो सेमिफाइनलमा आज पाकिस्तान र अष्ट्रेलियाबीच प्रतिस्पर्धा हुदैछ । युएईको अबुधाबीमा हुने खेल नेपाली समय अनुसार साँझ पौने ८ बजे सुरु हुनेछ । विश्वकपमा उत्कृष्ट फर्ममा रहेको पाकिस्तानले फाइनल पुग्न अष्ट्रेलियामाथि बलियो चुनौती पेश गर्ने अपेक्षा गरिएको छ । बाबर आजम नेतृत्वको पाकिस्तान जारी विश्वकपमा एक मात्र अपराजित टिम हो ।
पाकिस्तानले सेमिफाइनलसम्मको यात्रा तय गर्न हार ब्यहोर्नु परेको छैन । आरोन फिन्च नेतृत्वको अष्ट्रेलिया समेत पछिल्लो समय लयमा देखिएको छ । विजेता टिमले उपाधिका लागि न्युजिल्याण्डसँग प्रतिस्पर्धा गर्नेछ । गए राति इङ्ल्याण्डलाई ५ विकेटले हराउँदै न्युजिल्याण्ड फाइनल पुग्ने पहिलो टिम बनेको थियो ।
प्रतिक्रिया