काठमाडौँ –– तिहारको बिदा सकिएसागै प्रधान्यायाधीस चोलेन्द्र समसेर राणाले आफ्नो राजिनामा मागेर सर्वोच्च अदालतको इजलास बहिष्कार गर्दै आएका न्यायाधीसलाई जसरी भएपनि काममा फर्काउने योजनामा काम गर्न सुरु गरेका छन् । सोमबार उनले सर्वोच्चका बहालवाला सबै न्यायाधीसलाई काममा फर्कन वा राजिनामा दिएर सडक आन्दोलनमा जान सन्देस पठाएका छन् ।
प्रधानन्यायाधीस राणाको कठोर सन्देस पाएसँगै बहुमत न्यायाधीस काममा फर्कन राजि भएका हुन् । त्यही कारण मंगलबारदेखि सर्वोच्च अदालतमा पेशीमा चढेका मुद्दाहरुमाथि छलफल सुरु हुने दाबी गरिएको छ । साथै उनले बाँकी न्यायाधीसलाई पनि सोमबारभित्रै निर्णय गर्न समेत निर्देशन दिएका छन् ।
प्रधानन्यायाधीस राणा कुनै अवस्थामा राजिनामा दिन तयार छैनन् । त्यही कारण उनले विवाद निकासका विकल्पमा छलफल गर्न समेत पटक पटक न्यायाधीसहरुलाई आग्रह गर्दै आएका थिए ।
तर, नेपाल बार एसोसिएसनको समेत साथ पाएका न्यायाधीसहरुले उनको कुरा नै सुन्न छाडेका थिए । प्रधानन्यायाधीस राणाको यो कदमसँगै आन्दोलनरत नेपाल बार एसोसिएसनको विरोध समेत कमजोर बन्ने हो कि भन्ने सम्भावना बढेको छ ।
प्रतिक्रिया