सल्यान बस दुर्घटना अपडेट : १२ मृतकको सनाखत

काठमाडौँ – सल्यानबाट दाङको तुलसीपुरतर्फ आउँदै गरेको यात्रुवाहक बस दुर्घटना हुँदा ज्यान गुमाउँनेको संख्या १२ पुगेको छ । कपुरकोटको खारखोला नजिकै रा १ ख २५५२ नम्बरको बस दुर्घटना भएको हो । बस सडकबाट २ सय मिटर तल खसेर दुर्घटना भएको प्रहरीले जनाएको छ । दुर्घटनामा परि घाइते भएका १७ जनाको अवस्था गम्भिर रहेको छ । मृतकमध्ये १२ जनाको सनाखत भएको छ । मृत्यु हुनेमा बढी वृद्ध रहेका छन् भने पाँच र नौ वर्षका बालबालिका पनि परेका छन् ।