पेस्तोल र लागूऔषधसहित एक युवक पक्राउ

काठमाडौँ – गएराती कपिलवस्तुको मायादेवी गाउँपालिका–८ स्थित बिजुवा चोकबाट प्रहरीले पेस्तोल र लागुऔषध सहित २२ वर्षीय युवकलाई पक्राउ गरेको छ । मायादेवी गाउँपालिका–६ डुमरा घर भएका फेराज अहमद मुसलमानलाई पक्राउ गरिएको हो ।

जिल्ला प्रहरी कार्यालय कपिलवस्तुका प्रवक्ता (डिएसपी) धर्मराज भण्डारीका अनुसार भारतीय युपी–५५ एफ ०८६६ नम्बरको मोटरसाइकलमा चाकरचौडाबाट पकडीतार्फ आउने क्रममा फेराजको साथबाट प्रहरीले १ थान पेस्तोल, २८ वटा कार्टिज र लागु औषध बरामद गरेको हो । आरोपीको साथबाट ४२ चक्की स्पास्मो र २१ चक्की नाइट्राजेपाम पनि बरामद गरिएको छ । अहिले उनीबारे अनुसन्धान भइरहेको प्रहरीले जनाएको छ ।