एसियन कप छनोट खेल्न नेपाली फुटबल टोली ताजकिस्तान प्रस्थान गर्दै, पहिलो खेलमा इरानसँग भिड्ने (भिडियोसहित)

काठमाडौँ – एएफसी आन्डर ट्वान्टी थ्री एसियन कप छनोट खेल्न नेपाली राष्ट्रिय फुटबल टोली भोलि ताजाकिस्तान प्रस्थान गर्दै छ । सोमबार दशरथ रंगशालामा अन्तिम तयारी गरेको नेपाली टोलीले बलिया टोलीसँग राम्रो प्रदर्शन गरेर अघिल्लो चरणमा स्थान बनाउने लक्ष्य लिएको छ ।

उज्वेकिस्तानमा सन २०२२ मा आयोजना हुनेएसियन कप छनोट खेलका लागि राष्ट्रिय टोलीमा अटाएका मनिष डाँगी, सुमन अर्याल, आयुष घलानलाई समेट्दै मुख्य प्रशिक्षक बाल गोपाल महर्जनले २३ सदस्सीय नेपाली टिमको घोषणा गरेका छन् । फिफा वरियतामा नेपाल भन्दा माथि रहेका टोलीसँग नेपालले छनोट खेल्दै छ । टोलीमा अहिले युवा खेलाडीको बाहुल्यता रहेको छ भने केही राष्ट्रिय टोलीबाट अनुभव लिएका खेलाडी पनि समावेश भएका छन् । यसै कारण प्रशिक्षक बाल गोपाल महर्जनले छोटो तयारीका बापजुत पनि नेपाली टोली बलिया टोलीसँग राम्रो नतिजाका लागि खेल्ने बताए ।

प्रशिक्षक महर्जनले भने जस्तै नेपाली टोलीका गोलकिपर अपर्ण कार्कीले युवा खेलाडीमा जोश भएकाले बलिया देशविरुद्ध राम्रो नजिताका लागि खेल्ने प्रतिक्रिया दिए । यस्तै युवा स्ट्राइकर अभिसेक रिजालले बलियो टोलीविरुद्ध शतप्रतिशत नतीजा निकाल्ने बताए ।

छनोट अन्तर्गत नेपाल समूह ‘बी’ मा रहेको छ । नेपालको समूहमा ताजिकिस्तान, लेबनान र इरान समावेश छन । ताजिकिस्तानमा हुने छनोट खेल आगामी अक्टोबर २३ देखि ३१ सम्म हुनेछ । नेपालले समूह चरणको पहिलो खेलमा इरानसँग अक्टोबर २५ मा खेल्नेछ । यस्तै दोस्रो खेलमा आयोजक ताजिकिस्तानसँग अक्टोबर २८ मा प्रतिस्पर्धा गदा अन्तिम खेल लेबनानसँग अक्टोबर ३१ मा खेल्नेछ ।

छनोटका ११ समूहको शीर्ष टोलीले एएफसी आन्डर ट्वान्टी थ्रीएसियन कप खेल्ने मौका पाउनेछन । यस्तै दोस्रो टोली मध्ये उत्कृष्ट चार टोली पनि आन्डर ट्वान्टी थ्रीएसियन कपमा छनोट हुनेछन । उज्वेकिस्तानमा नै हुने प्रतियोगिता २०२२ को जुन १ देखि १९ सम्म आयोजना हुने तालिका रहेको छ । नेपालको युवा टोलीलाई हाम्रो पनि शुभकामना ।