चिर्पट प्रहार गरी जेठी आमाको हत्या

काठमाडौँ – गुल्मीका एक युवकले आईतबार आफ्नी जेठी आमाको हत्या गरेका छन् । जिल्लाको रेसुङ्गा नगरपालिका–१३ , दुबिचौरका २५ वर्षीय प्रकाश बिकले चिर्पट प्रहार गरी आफ्नी ६० वर्षीया जेठी आमा पार्वती बिकको हत्या गरेका हुन् । लाई आइतबार साँझ चिर्पटले टाउकोमा प्रहार गरी हत्या गरेको प्रहरीले जनाएको छ ।

त्यसै वडाका वडाध्यक्ष खुम खत्रीका अनुसार हत्याका अभियोगी बिकले दिउँसो मदिरा सेवन गरी सामान्य विवादको आवेगमा आइ जेठी आमाको हत्या गरेका थिए । उनलाई हिजो नै पक्राउ गरी हिरासतमा राखिएको जिल्ला प्रहरी कार्यालयका प्रमुख एसपी गोपालचन्द्र भट्टराईले जानकारी दिए ।

दिनहुँ मदिरा सेवन गर्ने गरेका कारण बिककी श्रीमतीले सम्बन्धविच्छेद गरेर बसेकी छन् ।