काठमाडौँ उपत्यकामा थपिए ३३५ कोरोना संक्रमित

काठमाडौँ – पछिल्लो २४ घण्टामा काठमाडौँ उपत्यकामा थप ३३५ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा काठमाडौँमा २६५, भक्तपुरमा २८ र ललितपुरमा ४२ जनामा कोरोना पोजेटिभ देखिएको हो ।

पछिल्लो २४ घन्टामा मुलुकभर थप १ हजार १५७ जनामा कोरोना संक्रमण पुष्टि भएको छ । सोही अवधिमा मृत्यु हुनेको संख्या आठ जना रहेको छ।