राखेपका पूर्वसदस्य सचिव रुक्मशमशेर राणाको निधन

काठमाडौँ – राष्ट्रिय खेलकुद परिषद् राखेपका पूर्वसदस्य सचिव रुक्मशमशेर राणाको निधन भएको छ ।

राणाको गएराति निधन भएको हो । राणा पछिल्लो समय मिर्गौला, सुगर र प्रेसर लगायतका रोगबाट प्रताडित हुनुुहुन्थ्यो । राष्ट्रिय खेलकुद परिषदको दुई पटक नेतृत्व गरेका राणा नेपाल ओलम्पिक कमिटीको अध्यक्ष पनि हुनुभएको थियो । राजनीतिक पृष्ठभुमीका राणाले जिवनको अधिकांश समय खेलकुदमै बिताउनुभएको थियो ।

राणालाई सम्मान स्वरुप नेपाल ओलम्पिक कमिटीले मानार्थ अध्यक्ष बनाएको थियो । कमिटीले राणाको निधनले खेलकुदको क्षेत्रमा अपूरणीय क्षति भएको बताएको छ । राणा कांग्रेस नेतृत्वको सरकारको पालामा भारतका लागि नेपाली राजदुत पनि हुनुभएको थियो ।