आफ्नो नामसँग मिल्ने गरी अर्को दल दर्ता नगर्न निर्वाचन आयोगलाई एमालेको आग्रह

काठमाडौँ – नेकपा एमालेले निर्वाचन आयोग पुगेर आफ्नो नामसँग मिल्ने गरी अर्को दल दर्ता नगर्न आग्रह गरेको छ । माधवकुमार नेपाल समूहले नेकपा एमाले समाजवादी दल दर्ताका लागि निवेदन दिएपछि एमाले नेताहरु आयोग पुगेका हुन् ।

आज आयोग पुगेका एमाले नेताहरुले राजनीतिक दलसम्बन्धी ऐन अनुसार राजनीतिक दलको नाम, झण्डा र चुनाव चिन्ह संरक्षण गर्ने जिम्मेवारी आयोगको भएको बताएका छन् । साथै १४ सांसदलाई पार्टीबाट निष्कासन गरेकाले उनीहरुको केन्द्रीय सदस्य पद पनि कायम नरहेको जानकारी आयोगलाई गराएको छ ।