पहिरोले जयपृथ्वी राजमार्ग अवरुद्ध

काठमाडौँ – पहिरोका कारण जयपृथ्वी राजमार्ग अवरुद्ध भएको छ । खोड्पे–बझाङ सडकखण्डको ढोल्यामोडमा पहिरो खस्दा बिहीबार राति १९ बजेदेखि राजमार्ग अवरुद्ध भएको हो ।

जिल्ला प्रहरी कार्यालय बैतडीका प्रवक्ता प्रहरी निरीक्षक दर्शन खड्काका अनुसार राजमार्ग अवरुद्ध हुँदा बझाङतर्फ जाने गाडी र बझाङबाट बैतडी र तराईका लागि छुटेका गाडीहरु बीच बाटोमै रोकिएका छन् । ठूलो पहिरो खसेकाले राजमार्ग सञ्चालनमा केही समय लाग्ने उनको भनाइ छ ।

पहिरो पन्छ्याउनका लागि समन्वय भइरहेको प्रहरी निरीक्षक खड्काले बताउनुभयो । पहिरोले जयपृथ्वी राजमार्ग बेलाबेलामा अवरुद्ध हुने गरेको छ ।