आजदेखि मनसुन थप सक्रिय हुने, पाँच प्रदेशमा भीषण वर्षाको सम्भावना

काठमाडौँ – आजदेखि मनसुन थप सक्रिय भएको छ । जल तथा मौसम विज्ञान विभाग मौसम पूर्वानुमान महाशाखाका अनुसार आज पाँच प्रदेशमा भीषण वर्षाको सम्भावना रहेको छ । प्रदेश १, प्रदेश २, बागमती, गण्डकी र लुम्बिनी प्रदेशका केही स्थानमा भीषण वर्षाको सम्भावना रहेको महाशाखाले जनाएको छ ।

पहाडी भू–भाग र नदी तटीय क्षेत्रमा सतर्कता अपनाउन महाशाखाले आग्रह गरेको छ । मनसुनी वायुको सक्रिय प्रभाव र तराई भू–भाग नजिक मनसुनी न्यून चापीय रेखा रहेकाले अहिले अधिकांश स्थानमा मौसम बदली रहेको छ । दिउँसो पनि देशभर सामान्यदेखि पूर्ण बदली रहने महाशाखाले बताएको छ ।