काठमाडौँ उपत्यकामा थपिए ३ हजार ९८ कोरोना संक्रमित

काठमाडौँ – पछिल्लो २४ घण्टामा काठमाडौँ उपत्यकामा थप ३ हजार ९८ जनामा कोरोना भाइरसको संक्रमण पुष्टि भएको छ । उपत्यकामा पछिल्लो २४ घण्टामा थप ३ हजार ९८ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

त्यसमध्ये काठमाडौमा २ हजार ३४६, ललितपुरमा ४५४ र भक्तपुरमा २९८ जना संक्रमित थपिएका हुन् । मन्त्रालयका अनुसार आज मात्रै देशभर ९ हजार २४७ जना कोरोना संक्रमित थपिएका छन् भने २१४ जनाको मृत्‍यु भएको छ ।