माओवादीको स्थायी कमिटबैठक बस्दै

काठमाडौँ – नेकपा माओवादी केन्द्रले समसामयिक राजनीतिक परिस्थितिबारे छलफल गर्न स्थायी कमिटी बैठक बोलाएको छ ।
दिउँसो ३ बजे पार्टी कार्यालय पेरिसडाँडामा बस्न लागेको बैठकमा पछिल्लो राजनीतिक घटनाक्रमबारे छलफल हुन लागेको एक नेताले जानकारी दिनुभयो ।

नेताका अनुसार प्रधानमन्त्री केपी शर्मा ओलीले बैशाख २७ गते संसदमा विश्वासको मत लिनको लागि संसद बैठक बोलाएपछि त्यसबारे रणनीति तय गर्न माओवादी केन्द्रको स्थायी समितिको बैठक बोलाएको बताउनुभयो । नेपाली कांग्रेसको पदाधिकारी बैठकसमेत आजै ३ बजे राखिएको छ ।
माओवादीले ओली सरकारलाई दिएको समर्थन फिर्ता नलिएपछि उनले विश्वासको मत लिन लागेका हुन् ।