काठमाडौं— सहकारी ठगीका मुख्य नाइके अर्थात् रास्वपा सभापति रवि लामिछानेका पूर्वसाझेदार गितेन्द्रबाबु राई उर्फ ‘जीबी राई’ बारे फैलिएको सनसनीपूर्ण अभिव्यक्तिले सार्वजनिक वृत्तमा हलचल मच्चाएको छ । रास्वपाकै एक नवनिर्वाचित सांसदले एक अन्तर्वार्ताका क्रममा ‘यदि जीबी राई जीवित भए रास्वपा सरकारले फिर्ता ल्याउँछ’ भन्दै दिएको अभिव्यक्तिले चौतर्फी चर्चा पाइरहेको हो । झन्डै एक दर्जन सहकारीबाट बचतकर्ताको २१ अर्ब रुपैयाँभन्दा बढी रकम ठगी गरेर फरार रहेका राईको अवस्थालाई लिएर विभिन्न शंका–उपशंकाहरू उब्जिएका छन् । के साँच्चिकै जीबी राई जीवित नभएको प्रमाण रास्वपा नेताहरूलाई प्राप्त भएको हो ? वा जिम्मेवारीबाट बच्न ‘जीवित नभएको’ भाष्य निर्माण गर्न खोजिएको हो ? यतिबेला विभिन्न गम्भीर प्रश्नहरू तेर्सिएका छन् ।
देश
प्रतिक्रिया