बालेन सफल पार्ने मिसनमा रवि, आफू भने पिडैपिडामा, २१ सिटबाट १८२ सांसदका नेता बने (भिडियोसहित)

काठमाडौं— अघिल्लो सदनबाट लखेटिएर कारागारको चौघेरामा थुनिन पुगेका राष्ट्रिय स्वतन्त्र पार्टी (रास्वपा) का सभापति रवि लामिछाने सत्ताको ‘किङ मेकर’ बन्दै झन्डै दुई–तिहाइ बहुमतको शक्ति लिएर फेरि संसद् भवन प्रवेश गरेका छन् । यो दृश्य हेर्न लायक र निकै रोचक थियो । संसद्कै छानबिन समितिको प्रतिवेदनका आधारमा कारागारको यात्रा गरेका लामिछाने यति शक्तिशाली कम्पन लिएर पुनः सदन फर्किन्छन् भन्ने सायद कसैले सोचेको थिएन । तर, उनलाई प्रतिशोध साँधेर कारागार पु¥याउनेहरूलाई नै यसपटक उनले संसदमा खुम्च्याएर औँलामा गन्न सकिने अवस्थामा पु¥याइदिएका छन् । वर्षौँदेखि ‘फस्र्ट बेन्चर’ बनेर सत्ता हाँक्नेहरूलाई लामिछानेले ‘लास्ट बेन्च’ मा पु¥याएका छन् । १८२ सांसदको नेतृत्व गर्दै सदन प्रवेश गर्दा उनी राजनीतिक संस्कारले भरिएको एउटा परिपक्व नेताका रूपमा देखिएका छन् ।