काठमाडौं— सातै प्रदेशमा शक्ति प्रदर्शन गर्ने रणनीतिका साथ मधेश झरेको कांग्रेस, अहिले रास्वपाको प्रभाव क्षेत्रमा ‘काउन्टर अट्याक’ मा उत्रिएको छ । मधेशको आमसभाले उभार ल्याएको कांग्रेस अहिले रास्वपाले सभा गरिसकेको ठाउँमा केन्द्रित भएको छ । पार्टीको चुनावी सभामा सभापति गगन थापा रास्वपाका वरिष्ठ नेता बालेन्द्र शाह (बालेन) र नेकपा एमालेका अध्यक्ष केपी शर्मा ओलीमाथि आक्रामक बनिरहेका छन् । गत भदौ २३ र २४ मा भएको ‘जेनजी’ आन्दोलनको विषयमा उनले एमाले अध्यक्ष ओलीको ‘संसद् भवन पहिले जलेको र त्यसपछि मात्रै गोली चलेको’ भन्ने भनाइप्रति र जेनजी आन्दोलनबारे चुपचाप बसेका रास्वपाका वरिष्ठ नेता बालेनप्रति कटाक्ष गर्न भ्याए । उनले यस घटनामा दुईवटा प्रवृत्ति देखिँदा एमालेले ‘केही नबिग्रिएको’ भन्दै इन्कार गरेको र अर्को प्रवृत्ति ‘केही नबोलेको’ भन्दै व्यंग्य गरे । अहिले दुवै पार्टीले दन्किएको आगोमा आफ्नो राजनीतिको रोटी सेकेको बताउँदै यही सोचले नेपालमा भदौँ २३ र २४ को अवस्था आएको भन्दै कांग्रेस यी दुवै सोचभन्दा भिन्न रहेको थापाको दाबी छ ।
देश
प्रतिक्रिया