काठमाडौं— नेपाली कांग्रेस छोडेर कांग्रेसकै किल्ला तोड्दै उपनिर्वाचनमार्फत पहिलो पटक संसदको यात्रा तय गरेका डा. स्वर्णिम वाग्लेले यसपटकको निर्वाचनमा पनि तनहुँ–१ लाई नै रोजेका छन् । निर्वाचन आउन अब एक महिनाभन्दा कम समय बाँकी हुँदा उनी चुनावी अभियानमा व्यस्त छन् । तर, उनको व्यस्तता आफ्ना लागि भोट माग्नमा मात्रै सीमित छैन; राष्ट्रिय स्वतन्त्र पार्टीको उपसभापति समेत रहेका कारण पार्टीको चुनावी घोषणापत्र लेख्ने जिम्मेवारी पनि उनकै काँधमा छ । यतिबेला वाग्ले घोषणापत्र लेखनमा भन्दा पनि चुनावको मुखमा सामाजिक सञ्जालमा आफूलाई ‘हिन्दूविरोधी’ करार गरिँदा हैरानीमा परेका छन् । उनको हैरानी यतिसम्म बढेको छ कि उजुरी लिएर साइबर ब्युरो नै पुग्नुपर्ने अवस्था सिर्जना भएको छ । विकिपिडियामा उल्लेख विवरणलाई सम्पादन गरेर ‘क्रिश्चियन धर्मप्रचारक’ को ट्याग लगाइएपछि तनहुँ–१ का उम्मेदवार वाग्लेले त्यसको खण्डन गर्दै पटक–पटक आफू पनि हिन्दू नै भएको स्पष्टीकरण दिँदै हिँड्नुपरेको छ । वाग्लेबारे विकिपिडिया पेजमा उनलाई क्रिश्चियन भएको उल्लेख गर्दै दुई दिनमा १३५ पटकभन्दा बढी संशोधन गरिएको थियो ।
देश
प्रतिक्रिया