एकाएक सी कता हराए ? नजरबन्द कि चिनिया रणनीति ? एस जयशंकर किन पुगे बेइजिङ ? (भिडियो)

काठमाडौं – चीनका शक्तिशाली राष्ट्रपति सी जिनपिङ यतिबेला एक पटक फेरि अन्तर्राष्ट्रिय चर्चाको केन्द्रमा छन् । विगत केही दिनयता चिनियाँ सरकारी मिडियामा उनको गतिविधि, सार्वजनिक उपस्थिति र वक्तव्य अचानक आउन छाडेको थियो । के उनले सत्ता छाडे ? के चीनभित्र कुनै राजनीतिक संकट उत्पन्न भएको हो ? कि सबै कुरा पूर्वनियोजित कूटनीतिक चाल मात्र हो ? यी सबै रहस्यमय परिवेशका बीच, भारतका विदेशमन्त्री डा. एस जयशंकर चीनको एक गोप्य भ्रमणमा पुगेका छन् । पछिल्लोपटक सन् २०२० को गलवान घटनापछि भारत–चीन सम्बन्धमा चिसोपन बढेको थियो । जयशंकरले चिनियाँ परराष्ट्रमन्त्री वाङ यीसँग मात्र नभई, राष्ट्रपति नजिकका कूटनीतिज्ञसँग समेत महत्त्वपूर्ण संवाद गरेका छन् । यसबीचमा सोसल मिडियामा अनेक अड्कलबाजीहरू फैलिएका थिए । कतिपयले सी जिनपिङलाई सैनिक नेतृत्वले नजरबन्दमा राखेको भनी दाबी गरेका थिए भने केहीले स्वास्थ्य समस्याका कारण उनी देखिन नचाहेको तर्क गरेका थिए ।